ჰამბურგში „დიდი ოცეულის“ ქვეყნების ლიდერები სამიტის ფარგლებში პირველ შეხვედრაზე შეიკრიბნენ, რომელიც ტერორიზმთან ბრძოლას ეხება.
შეხვედრაში მონაწილეობას მხოლოდ „დიდი ოცეულის“ ლიდერები იღებენ. ანგელა მერკელი, როგორც მასპინძელი ქვეყნის ლიდერი, ყველა სტუმარს კონგრეს-ცენტრის ფოიეში დახვდა.
შეხვედრის შემდეგ ლიდერები განცხადებებს გააკეთებენ ტერორიზმთან ბრძოლის საკითხზე.
დღეს, ჰამბურგში „დიდი ოცეულის“ ქვეყნების ლიდერების ორდღიანი სამიტი გაიხსნა. 2016 წლის 1 დეკემბერს „დიდი ოცეულის“ თავმჯდომარე ქვეყანა გერმანია გახდა.
გერმანიის ხელისუფლებამ პრიორიტეტად შემდეგი თემები დაასახელა: კლიმატის ცვლილებასთან ბრძოლა, აფრიკის განვითარება, შიმშილის აღმოფხვრა, საზოგადოებაში ქალის როლის გაძლიერება.