ტეხასის შტატში მდებარე ქიმიურ ქარხანაში, რომელიც ქარიშხალი „ჰარვის“ ეპიცენტრში მოხვდა, ორი აფეთქება მოხდა. ამის შესახებ ქარხნის საიტზე გავრცელებულ განცხადებაშია ნათქვამი.
აფეთქების შედეგად, 10 ადამიანი დაშავდა, მათ შორის შერიფის მოადგილე.
გავრცელებული ინფორმაციით, აფეთქება ადგილობრივი დროით ღამის 2 საათზე მოხდა. თვითმხილველების თქმით, ქარხნის ტერიტორიის თავზე კვამლია. ქარხნის ტერიტორია წყალდიდობის შედეგად წყლით დაიტბორა, რამაც ქარხნის ფუნქციონირება დაარღვია. ქარხნიდან 2,4 კილომეტრის რადიუსზე მყოფ მოსახლეობას სახლების დატოვებისკენ მოუწოდეს.